BERTSO PARRANDAKO FINALA!!!

HATXE-MAN izango da 2010eko Bertso Parrandako finala, hilaren 30ean Azpeitiko Gaztetxean.  Hiru kanporaketa izan ziren eta ondoren bi finalaurreko eta azkenean HATXE eta MAN taldeak izango dira Azpeitiko gaztetxien buruz buru.


Festa eta umorea, ez da faltako. 

Bertsoparranda 2. finalaurrekoa Zurt-en, AZPIJO/HATXE from erniarraitz on Vimeo.

Gabonetako zinemaldia Azpeitian

Abenduaren 27tik urtarrilaren 6ra egunero izango dira filmak ikusgai Azpeitiako San Agustinpe kultur gunean. Haur eta helduentzako aukera anitza egongo da. Gainera dohainik.

...denok San Mamesera..

                                           

Hilaren 29an ospatuko da Euskal Selekzioa eta Venezuelako Selekzioaren arteko norgehiagoka. Gaueko 20:45tan hasiko da Katedralean. Aurrez kalejira eta aldarrikapenez bustiriko ekitaldia izango da. 

"Nazio bat gara, lortu behar dugu, lortuko dugu"lelopean denok Bilbora!!!

Animatu!!!!

Soro peri eguna Zestoan

Urtero legez, abenduaren 26an Soroperi eguna ospatuko da Zestoan. Egunari hasiera 9:00etan, Idiakaitz Txistulari taldearen dianak emango dio. Goizean zehar Barazki eta fruta lehiaketa, Urolako XIII. Ezti lehiaketa eta Zestoako Gazta eta Sagardo lehiaketa izango dira. Horiez gain, talogileak, beste salmenta postu franko, trikitilariak... topatu ahal izango dira kalean. Gaztetxean babajana izango da eta arratsaldeko 17:00etan Kultur etxeko areto nagusian haurrentzat emanaldia. Frontoian, berriz, ekitaldi bikaina: pilota partidak, trontzalariak, harri jasotzaileak,...
Egunean zehar giro zoragarria izango dela dudarik ez dago, ezta eguna goizaldera arte luzatuko denik ere.

Txontxongiloak Ondarroan

Abenduan, gabonak direla tarteko, ekitaldi ugari antolatu dituzte Ondarroan bertako udalak eta hainbat taldek. Abenduaren 25ean, esaterako, udalak  Corrado Masacciren txotxongilo emanaldia iantolatu du arratsaldeko 18:00etan izango da. Hilaren 26 eta 27an, eta urtarrilaren 1ean eta 2an ere egongo dira emanaldiak. Sarrerak doan dira, baina turismo bulegoan jaso behar dira.

Eibarren 3 pelikula ikusgai

Asteburu honetan, abenduaren 25-28 bitartean, 3 filma ikusteko aukera izango da Eibarko Coliseo antzokian. Avatar. No es tan fácil eta Alvin y las ardillas 2.
Zinema gustoko baduzue eta filmak ikusteko ohiko lekuetara joateaz nazkatuta bazaudete asteburu honetan aukera bikaina duzue Eibarren.
Hona hemen Avatar filmearen aurrerapentxoa:

Giza proba Zestoan

Abenduaren 18an, gaueko 22:00etan giza proba izango da Zestoako Plazan. Zumaiako aurraunlariak Zestoako mutilen aurka.
Zumaiako arraunlari taldeak botatako erronkari erantzunez, arituko da zestoar taldea, 3 plazako aldearekin. Taldeko zortzi mutilek 650Kg pisatu behar dute gehienez, bestela, pasatako kilo bakoitzeko 3Kg-ko gainkarga jarriko zaio 800Kg-ko harriari. 5.000€ daude jokoan.
1000 pertsonatik gora espero dira plazaN, beraz giro bikaina izango da eta seguruenez gauak luze joko du. ANIMATU!